Një ndeshje e çmendur po zhvillohet në Dublin në këtë pjesë të parë ku Danimarka ka përmbysur rezultatin Irlandës që në pjesën e parë. Ishin vendasit që shënojnë një gol mjaft të shpejtë që në minutën e 6′ me anë të Duffy, por që u bë i pavlefshëm nga golat e Christiensen dhe Eriksen.
Të dyja ekipet zbritën në fushë për të shënuar në këtë ndeshje, pasi ndesha e parë ishte mbyllur me rrjetat e paprekura në Danimarkë. Janë vendasit që gjejnë rrugën e rrjetës që në minutën e 6′ me anë të Duffy, pas një dalje të gabuar të portierit Rudolph. Ky gol solli qetësinë tek “bardhjeshilët” dhe ulën ritmin, gjë që i ndëshkoi shumë shpejt.
Pas ekzekutimit të një goditje dënimi në minutën e 29′, Sisto depërton mjaft mirë nga e majta dhe hedh një top mjaft të rrezikshëm në zonë, që pas devijimit të Christiensen përfundon në rrjetë.
Ndërsa 3′ minuta më vonë danezët zbresin në një kundërsulm dhe janë në epërsi numerike, kjo bën që Jorgensen të gjejë mjaft mirë Eriksen në të majtë i cili godet pa u menduar dhe topi përplase në traversë, pastaj prek rrjetën. Një gol mjafti bukur që sjell një festë të madhe tek tifozët danezë të ndodhur në “Aviva Stadiun”.
Ky është një rezultat që do ti siguronte Danimarkës një biletë për në “Rusi 2018”, si përfaqësuesja e fundit nga Kontinenti i Vjetër.
