Qeveria iraniane ka ofruar një aplikacion ‘islamik’ për takime, të miratuar nga shteti, që synon krijimin e një “martese të qëndrueshme dhe të informuar” për të rinjtë e vendit.
I quajtur Hamdam – përkthyer nga gjuha vendase si “partner” – shërbimi lejon përdoruesit të “kërkojnë dhe të zgjedhin bashkëshortin e tyre”. Ndërsa aplikacionet për takime janë të njohura në Iran, shefi i policisë së hapësirës kibernetike të vendit, kolonel Ali Mohammad Rajabi konfirmoi se Hamdam ishte i vetmi aplikacion takimesh që konsiderohej i ligjshëm sipas ligjeve të shtetit.
Autoritetet iraniane kohët e fundit kanë shprehur shqetësim në lidhje me rritjen e moshës së martesës në vend dhe rënien e nivelit të lindjeve. Në mars, parlamenti i tyre miratoi një projektligj të titulluar “Rritja e Popullsisë dhe Mbështetja e Familjes”, i cili mandaton qeverinë të ofrojë stimuj financiarë për martesë dhe të inkurajojë njerëzit të kenë më shumë se dy fëmijë.
Megjithëse ligji nuk është miratuar ende nga Këshilli Mbikqyrës, i cili përcakton nëse projektligjet janë në përputhje me ligjin Islam dhe kushtetutën, aplikacioni besohet të jetë hapi i parë në përpjekjet për të rritur normat e lindjeve të republikës.
