Presidenti në largim i Iranit, Hasan Rouhani është fituesi i zgjedhjeve presidenciale të vendit.
Rezultati i zgjedhjeve u konfirmua nga ministria e Brendshme iraniane.
Presidenti Hasan Rouhani fitoi përballë kundërshtarit konservator, Ebrahim Raissi.
”Rouhani, 68 vjeç, fitoi 58 për qind të votave, pas numërimit të pothuajse 100 për qind të tyre”
informoi ministria e sipërcituar.
Kjo fitore mendohet se do t’i lejojë klerikut të moderuar, Rouhani, të vazhdojë politikën e hapjes ndaj botës, e faktuar edhe me marrëveshjen historike bërthamore me fuqitë e mëdha, në korrik 2015.
