Si pasojë e protestave të dhunshme në Irak, 72 persona kanë ndërruar jetë dhe qindra të tjerë kanë mbetur të plagosur. Iraku ka hequr shtetrrethimin ndërkohë kryeministri Adil Abdul-Mahdi ka premtuar se do të kërkojë përmbushjen e kërkesave të protestuesve.
Qeveria ka premtuar reforma, por duket se ato nuk i kanë bindur irakianët. Snajperët e policisë kanë qëlluar në drejtim të protestuesve të premten, kanë thënë reporterët e agjencisë “Reuters”, duke e bërë situatën më tensionuese.
