Inzaghi flet me dashuri për shqiptarët: Taren e kam mik, Strakosha…

Lazio është duke luajtur në nivele të larta dhe duke konkurruar ekipet më të forta italiane falë punës së mirë që ka bërë Igli Tare si drejtor sportiv. Të kaltrit prej shumë vitesh renditen në vendet e para dhe marrin pjesë në Champions League, gjë që mund ta arrijnë edhe këtë sezon nëse mposhtin Interin në ndeshjen e fundit.Në një intervistë për “RTSH Sport”, trajneri i Lazios, Simone Inzagi ka folur për marrëdhënien e tij me Taren, për të cilin theksoi se është një njeri i zoti dhe klubi kryeqytetas konkurron në këtë nivele dhe fal tij. Gjithashtu, Inzagi ka folur dhe për lojtarët e tjerë shqiptar që kanë qenë pjesë e skuadrës së Lazios duke nisur që nga Lorik Cana, Etrit Berisha dhe Thoma Strakosha.“Gjatë jetës time kam pasur mundësinë të njoh shumë sportistë shqiptarë, të cilët i kam pasur edhe në skuadër. Igli Tare ishte shoku im i skuadrës dhe tashmë është drejtori im. Kam patur Berishën dhe tashmë Strakoshën në drejtim. Kam njohur edhe Canën, mund të them se të gjithë janë profesionistë të vërtet.Me Taren jam mik prej shumë kohësh dhe tashmë punojmë bashkë. Si drejtor sportiv është shumë i zoti dhe këtë e kemi parë të gjithë. Lacio po konkurron me skuadrat më të mira italiane dhe kjo falë ideve dhe zgjedhjeve të tij, të cilat kanë ardhur me një kosto shumë të vogël. Strakoshën kam patur fatin ta njoh kur stërvisja të rinjtë dhe i kam njohur aftësitë e tij. Fillimisht Marketi ishte portieri i parë, ndërsa Berisha nuk pranoj të qëndronte si alternativë e dytë.Kështu Strakosha u kthye në portierin e dytë, ndërsa sapo Marketi pësoi dëmtimin që e la jashtë fushës së blertë, unë besova te Strakosha. Ai ma shpërbleu besimin dhe mund të them se përveçse një portieri i madh, ai është edhe një njeri i tillë”, ka deklaruar trajneri i njohur italian Simone Inzagi.