Dhjetë vjet pasi fitoi tre trofetë më të rëndësishëm brenda një sezoni, Interi ka shansin të kthehet në një finale europiane.
Nga sukseset e përjetuara me José Mourinho ka kaluar një dekadë, por tani, në vitin e parë të epokës “Conte”, zikaltërit mund të ëndërrojnë.
Edhe pse nuk arritën të shkurorëzonin Juventusin në Serie A, Europa League është një shans që nuk duhet shpërdoruar, shkruan “A2”.
Interi do të luajë në gjysmëfinale përballë ukrainasve të Shakhtar Donetsk.
Një kundërshtar i vështirë, që i njeh mirë kupat e Europës dhe ka në kontigjent shumë talente brazilianë.
Fituesja e sfidës do të sigurojë biletën për finalen e Europa League, më 21 gusht kundër Sevilla-s.
