Interi është në një fazë të kampionatit ku nuk i lejohet të gabojë. Zikaltërit do të zhvillojnë dy finale dhe kërkohet vetëm fitore në këto sfida për të arritur në zonën Champions League. Ditën e sotme në stërvitjen e skuadrës janë shfaqur tre nga liderët e “tripletës” për të motivuar grupin dhe për tu dhënë nga eksperienca e tyre.
Grupit që ka nën urdhra Luciano Spalletti i është bashkuar Marco Materazzi, Esteban Cambiasso, Samuel, Chivu dhe kapiteni legjendar Javier Zanetti, etj. Ata kanë marrë pjesë në të gjithë stërvitjen dhe është zhvillua një ndeshje me skuadrën e ndarë në dy grupe, ku yjet që kanë shkruar historinë zikaltëre u kanë dhënë nga eksperienca e tyre një leksion se si duhet ti përballojnë dytë sfidat e fundit për të arritur objektivin.
Interi do të përballet këtë fundjavë me Sassuolon në “San Siro” dhe do të kërkojë të marrë një rezultat nga më të thellët, pasi duhet të përmirësojë golavarazhin. Por përpos kësaj për ta bërë ndeshjen e fundit të kampionatit si një finale të madhe, tashmë që lufta për titull ka mbaruar.
Java e fundit e Interit do të jetë një përballje e zjarrtë në “Olimpico” me Lazion. Të dy ekipet duket se do të luftojnë për një vend në Champions League dhe një hap farsë në atë sfidë do ti nxirrte jashtë loje. Kampi zikaltër duket se është më i favorizuar në atë ndeshje pavarësisht se luan në transfertë, Lazio pritet të ketë disa mungesa mjaft të rëndësishme si Immobile dhe Luis Alberto, dy nga lojtarët kryesor të këtij sezoni.
