Me deklaratat në formë akuze nga presidenti i La Ligas, Javier Tebas, ka ngritur në “këmbë” Serie A, e cila ka reaguar menjëherë. Ai u shpreh se Interi dhe Juventusi kanë bërë veprime të fshehta në merkaton verore. Kalimi i Ronaldos tek Juventusi duket se e ka dobësuar dukshëm futbollin spanjoll dhe ajo tratativë e Interit për Modric ka bërë që drejtuesit në Spanjë të nervozohen.
Modric? Presidenti i La Ligas shpërthen në akuza ndaj Interit
Zikaltërit nuk i kanë pritur aspak mirë këto akuza, në një moment që janë duke u ringritur nën drejtimin e presidencës Zhang Jingdon dhe ka dalë në një deklaratë se do të ndjekë presidentin Tebas në rrugë ligjore: “Inter komunikon se do të ndjek rrugën ligjore për të akuzuar Presidentin e Ligës së Spanjës, Javier Tebas për shpifjet që ka bërë në media sot se Inter përdor metoda jo adekuate për transferimin e lojtarëve nga Spanja.”
Po ashtu ka pasur edhe një reagim serioz nga përfaqësuesit e Seri A: “Serie A është e befasuar dhe e mërzitur nga deklaratat e presidentit të La Liga, Havier Tebas. Këto komente janë bërë pa pasur njohuri, por dëmtojnë reputacionin dhe vënë në dyshim integritetin e dy klubeve të mëdha italiane. Serie A nuk mund të pranojë pasivisht komentet që përdorin mediat për të na destabilizuar në skenën ndërkombëtare.
Klubet e Serie A veprojnë brenda parametrave të përcaktuar nga të gjitha rregullat ndërkombëtare, prandaj Serie A po kalon një periudhë optimizmi dhe entuziazmi të madh, të ndarë nga mediat dhe tifozët në mbarë botën, të cilët u rritën në mënyrë eksponenciale në sezonet e fundit. Në fillim të sezonit, që do të sjellë katër skuadra të Serie A në fazën e grupeve të Ligës së Kampionëve, ne jemi të sigurt se shpirti i rizbuluar dhe prestigji i Serie A nuk duhet t’i frikësojnë kundërshtarët, por motivojnë panoramën evropiane drejt kulmeve të reja të konkurrencë dhe argëtim.”– shkruhet në reagimin e përfaqësuesve të Serisë A.
