Në javën e fundit të fazës së parë, Interi ndalet sërish.
Në San Siro ndaj Atalantas zikaltrit barazuan 1-1.
Të zotët e shtëpisë shënuan shumë shpejt, që në minutën e 4 me Lautaro Martinez duke krijuar iluzionin se do të fitonin thellë.
Kështu ekipi i Conte vazhdoi të kërkonte golin e dytë, por edhe Atalanta nuk qëndroi në pritje.
Bergamaskët pretenduan edhe një 11 metërsh në fundin e pjesës së parë.
Ishte pikërisht Martinez që bëri një ndërhyrje të parregullt, por arbitri kryesor lejoi vazhdimin e lojës.
Ndërsa asistenti i tij, nuk ndërhyri për të sinjalizuar këtë moment.
Kjo i motivoi më shumë futbollistët e Atalantas që në pjesën e dytë të ishin dominues të lojës.
Kundërsulmet e Inter nuk rezultuan të suksesshme.
15 minuta nga përfundimi i kohës së rregullt në një aksion që nuk dukej se do të rrezikonte Gosens gjeti mënyrën për të shënuar golin e barazimit.
Në minutën e 88’ edhe pse u duk më shumë si një simulim i Rocchi, arbitri akordoi një 11-metërsh për Atalantan.
Goditja e Muriel u prit nga Handanovic. Inter shmangu kështu një humbje të sigurtë, shkruan “tvklan”.
Duke vënë në rrezik vendin e parë të renditjes pasi ka vetëm një pikë më shumë se Juventus që në mbrëmje do të përballet me Romën.
