Derbi i Milanos është një sukses që tani, pavarësisht se si do të mbyllen 90 minutat. Përballja derbi të dielës në mbrëmje do të zhvillohet në një “San Siro” të mbushur plot. Më shumë se 4,5 milionë euro nga shitja e biletave (rekord në Serie A) dhe më shumë se 180 vende në lidhje të drejtpërdrejtë. Vetëm për Milan-Barcelona, ndeshje e Champions League, ka patur më shumë të ardhura nga shitja e biletave.
200 gazetarë do të jenë të pranishëm në tribunë, 100 prej të cilëve do të jenë të huaj, ndërsa 450 operatorë të informacionit janë akredituar në total. Ndërkohë, do të jenë më shumë se 50 fotografët që do të kërkojnë të kapin momentet më të bukura të ndeshjes. Në shkallët e stadiumit do tub jenë më shumë se 78 mijë tifozë të pranishëm dhe klubi zikaltër i ka ftuar të gjithë tifozët që të shkojnë në stadium disa orë para fillimit të ndeshjes, teksa dyert e stadiumit do të jenë të hapura që nga ora 17:45.
