Ministri i Jashtëm Ditmir Bushati ka folur sot në shkollën verore Evropiane për integrimin e Shqipërisë në BE.
“Topi është në fushën tonë”, kështu ka thënë ndër të tjera ministri, teksa është shprehur optimist se Shqipëria është në rrugën e drejtë për integrimin në Bashkimin Evropian.
“Shpresoj të ketë vullnet politik qeveri-opozitë, ky bashkëpunim duhet të jetë shumë më i strukturuar. Bashkëpunimi rajonal është rritur, por ka ende shumë barriera. Viti 2018 është vendimtar për vendin.
BE vendosi një kriter kufizues, siç është rasti i vendeve tona për një kriter restriktiv. Kjo lloj retorike ka rënë në Ballkan. Këto janë të gjitha dëshmi të qarta, se BE lëviz jo me atë lloj vrulli që do donim të lëvizte. Por ku ka vullnet për reforma dhe për transportim është e vështirë që të thuhet se BE nuk është përgjigjur. Kishte vullnet bipartizan që kërkoi kohën e vet, që përkoi për reformën në drejtësi.
Tashmë është e qartë që topi është në fushën tonë dhe ne nevojitet që të forcojmë konsensusin kombëtar, dialogun, që mos të jetë gjithçka retorikë”, tha ndër të tjera Bushati.
