Drejtori i Institutit të Ndërtimit, Agron Hysenlliu është përplasur mbrëmjen e sotme në studion e “Real Story” me gazetarin Erjon Skëndaj, në lidhje me rezistimin e institucioneve nga tërmeti. Gazetari Skëndaj u shpreh se edhe vetë Instituti ku punon Hysenlliu, mund të rrezikojë të shembet. Po ky i fundit tha se kjo nuk është e vërtetë, pasi janë inspektuar dhe ka dalë që është e banueshme.
Erjon Skëndaj: Instituti rrezikon të shembet dhe ky zotëria mban punonjësit aty.
Agron Hysenlliu: Në çdo akt-konstatimi që shkon një grup që është në nivel më të ulët se unë, që thonë kam dyshim këtu, atëherë ne shkojmë në dozë shtesë kontrolli. Sa i përket AKU, por edhe Instituti i Ndërtimit ne kemi bërë një akt-ekspertimi, nuk ka asnjë problematikë. Nuk kam arsye pse të vë kokën time në rrezik për asnjë motiv.
Erjon Skëndaj: Për një ditë janë bërë suvatime të kësaj forme. Ju keni thënë që të riparohen dëmtimet.
Agron Hysenlliu: Si mo qenka hapur shkolla pa riparuar? Unë kam bërë këtë, kam dërguar grupin e parë, që ka nxjerrë përfundimin. Te grupi i dytë iu kam thënë nesër do të vijë grupi i profesorëve dhe profesorët kanë shkuar.
Erjon Skëndaj: Pse e keni luksin ju ta bëni?
Agron Hysenlliu: Po e kam luksin kur vihet në rrezik jeta.
