Rrjeti social mjaft i popullarizuar, Instagram, së shpejti do të realizojë një përditësim. Lajmi ka ardhur nga një specialist IT-je, i quajtur Jane Wong, i cili thotë se Instagrami do të eksperimentojë me një tjetër version, duke hequr etiketën e pëlqimeve.
Siç duket, “pëlqimet” do t’i shfaqen vetëm përdoruesit që i merr ato, dhe jo të tjerëve që ndjekin një profil apo pëlqejnë një foto të postuar.
Kjo nismë është konsideruar si një ndryshim radikal për rrjetin social Instagram, me qëllimin për t’i përqendruar njerëzit më shumë tek përmbajtja sesa tek like-t e marra.
Pavarësisht këtyre zërave, ende nuk ka një konfirmim zyrtar për këtë përditësim. E përkthyer ndryshe, nisma në fjalë shqetëson personazhet VIP dhe blogerët e famshëm, të cilët kanë krijuar një biznes të vërtetë me këtë sistem.
