Teksa një shqetësim i ngritur nga qytetarët janë testet dhe vonesa për to nga autoritetet shëndetësore, një lajm i mirë vjen në këtë drejtim. Kreu i OBSH për Europën, Hans Klug, bëri të ditur se testet e shpejta, të cilat nxjerrin përgjigjen brenda 40-minutave do të vijnë në Shqipëri pas 8 apo 10 javësh. Ai konfirmoi se po punohet për të përshpejtuar këtë afat, dhe se të gjithë po koodinohen për këtë proces.
“Jemi marrë me kohën e dorëzimit të testeve të shpejta pas 8 apo 10 javësh. Ne po përpiqemi ta përshpejtojmë. Shkenca ka lëvizur shpejt. Të gjithë po koordinohemi për të përshpejtuar këtë punë”, tha ai.
Sakaq, Ministrja e Shëndetësisë Ogerta Manastirliu, theksoi se testet e shpejta do të sigurohen nga qeveria shqiptare. “Qeveria shqiptare ka gati financimin për blerjen e testeve të shpejta të anti-genit”, tha Manastirliu.
