India dhe Franca kanë rënë dakord të “intensifikojnë koordinimin” në lidhje me përgjigjet ndaj luftës në Ukrainë. Kështu thuhet në një deklaratë të përbashkët nga kryeministri indian Narendra Modi dhe presidenti francez Emmanuel Macron.
Ata u takuan të mërkurën vonë, duke përfunduar turneun tre-ditor evropian të Modit, i cili përfshinte Gjermaninë, Danimarkën dhe Francën.
“Të dy liderët ranë dakord se koordinimi dhe angazhimi i ngushtë ishte i rëndësishëm. Në mënyrë që India dhe Franca të mund të luajnë një rol konstruktiv në situatën në zhvillim në Ukrainë”, tha Sekretari i Jashtëm indian Vinay Kwarta.
Të dy “dënuan pa mëdyshje vdekjet e civilëve në Ukrainë dhe bënë thirrje për një ndërprerje të menjëhershme të armiqësive për të bashkuar palët. Për të nxitur dialogun dhe diplomacinë. Për të gjetur një fund të menjëhershëm të vuajtjeve të njerëzve”, thuhet në deklaratën e përbashkët.
Përveç Ukrainës, të dy udhëheqësit diskutuan një sërë çështjesh, duke përfshirë Afganistanin, partneritetet e mbrojtjes, klimën, partneritetin strategjik në rajonin Indo-Paqësor dhe sigurinë globale të ushqimit.
Burimi i lajmit: CNN. Përshtatur nga Tirana Today
