Një incident ka tërhequr vëmendjen e të pranishmëve, gjatë një ceremonie të mbajtur në Kanada. Ka qenë kryeministri Justin Trudeau ai që po prezantonte shefen e re të Policisë Kanadeze, të parën grua në këtë pozicion, kur dy policë nuk janë ndjerë mirë dhe ranë përtokë, pas një gjendje të fikti.
Siç duket edhe në videon e publikuar nga Daily Mail, dy policët u ndjenë keq gjatë ceremonisë 45-minutëshe, të mbajtur në akademinë RCMP në Regina.
Rreshteri Major Tammy Patterson tha: “Është shumë e zakonshme që policët të pësojnë edhe gjendje të fikti, pas qëndrimit të gjatë në këmbë, pasi gjaku nuk qarkullon si duhet, nuk arrin deri në tru dhe mund të biesh”.
