Importeve janë rritur me 10 miliardë lekë gjatë pesë muajve të parë të këtij viti. Kjo rritje i atribuohet kryesisht rritjes së kërkesës për mallra nga Italia, vendet e rajonit dhe Turqia, ku kjo e fundit ka kaluar në pozitën e partnerit të dytë kryesore, nga e pesta që renditej një vit më parë.
Kërkesë të shtuar për mallra ka pasur në pothuajse të gjitha kategoritë, sidomos në grupimin “Ushqime, pije, duhan” dhe “Tekstile dhe këpucë”. Këto kërkesa janë përmbushur kryesisht në dy vendet kryesore partnere në import, Itali dhe Turqi.
Sa i takon eksporteve gjatë kësaj periudhe theksohet se kanë arritur vlerën e 111 miliardë lekëve, duket se kjo rritje ka ardhur edhe si pasojë e forcimit të marrëdhënieve tregtare me partnerët kryesorë si Italia, Kosova dhe Kina.
Italia vijon të ruajë pozitën e fortë si partneri kryesore, dhe për periudhën Janar-Maj 2017 përbën 54% të eksporteve, megjithëse në rënie nga viti i kaluar kur zinte 58% të eksporteve.
Lajm i mirë për vendin tonë sa i takon decentralizimit dhe varësisë së eksporteve.
Grupmallrat kryesore që kanë kryesuar në eksportet drejt Italisë kanë qenë “mineralet, lëndët djegëse” dhe “tekstile dhe këpucë”.
Tregtia e jashtme ka pasur një rritje drejt pothuajse të gjitha vendeve partnere, ku vihet re tejkalimi i shifrës 1 miliard lekë drejt SHBA-ve dhe dyfishimi i eksporteve drejt Spanjës e Kinës.
Pikërisht në Spanjë, duket se është gjetur një treg i ri për mineralet, lëndët djegëse dhe energjinë elektrike, pasi ky grupim është gjashtëfishuar, nga 617 milionë lekë në vitin 2016, në mbi 4 miliardë lekë në 2017-ën.
Të vetmet vende drejt të cilave kemi pasur një ulje të eksporteve janë Mbretëria e Bashkuar, Kroacia dhe Rusia në shifra të vogla, por mbi të gjitha vihet re një përgjysmim i eksporteve drejt Zvicrës në 650 milionë lekë, nga mbi 1 miliard lekë për të njëjtën periudhë të një viti më parë.
