Ish-ministri i Mbrojtjes, Arben Imami një nga njerëzit me kritik gjatë muajve të fundit për vendimet e marra nga Lulzim Basha ka deklaruar se ky i fundit ka shitur zgjedhjet.
Imami është shprehu se Basha bëri një listë krejtësisht vetjake dhe dërrmoi partinë në të gjitha etapat.
Po ashtu, ish-ministri u shpreh se kreu aktual i PD-së duhet të largohet pasi humbi zgjedhjet dhe i shiti ato.
“Bojkot i demokratëve ka ulur votat e PD-së dhe ka rritur përqindjet numrin e deputetëve në parlament. Për shkak të programit, tezë marksiste, për shkak të heqjes së simbolikave të PD… Ditën që ka mbyllur mitingun, nuk ka thënë rroftë PD-ja. Ky nuk thotë dot Partia Demokratike. Bëri një listë krejtësisht vetjake, dërrmoi partinë në të gjitha etapat. Bëri një fushatë e cila nuk ishte fushatë. Pse e bëri, një mundësi është paaftësia e tij. Të gjitha këto veprime sigurisht ka edhe paaftësi. Ka edhe diçka përveç paaftësisë. Është e qartë se ai ka shitur zgjedhjet. Në momentin që ka shitur zgjedhjet duhet të largohet. I ka shitur zgjedhje”tha Imami.
I mbetur jashtë listave nga kreu I PD-së, Imami pohon se së bashku me Jozefina Topallin kanë mbajtur një qëndrim lidhur me
“Unë opinionin tim e kam thënë para zgjedhjeve. Data 26 do të jetë vonë. Ishte vonë. Unë e zonja Topalli patëm një konsultim para zgjedhjeve… Me goditjet që i dha nëpërmjet listës dhe me paqartësitë e marrëveshjes Rama-Basha. Sigurisht që unë kam votuar për PD-në. Ajo ka votuar për PD-në. Në ato rrethe miqësore kemi folur për PD-në. Por askush nuk na ftoi në fushatë. Nuk jam ftuar për asgjë”, deklaroi Imami.
