IKMT ka vijuar me shembjen e banesave në zonën e Shkozës, ku fillimisht është shembur një godinë e pabanuar. Janë me dhjetëra familje që do të nxirren në rrugë me projektin e Unazës së madhe, që do të kalojë në Shkozë.
Mjaft të indinjuar, shumë prej banorëve kanë dalë që në orët e para të ditës për t’u përballur me forcat e policisë, që janë të shumta në numër. Nga të dhënat e para mësohet se është shoqëruar një prej familjeve që ndodhet në zonë, pikërisht familja e Franc Strolajt.
Sikundër banorët në zonën e Astirit, dhe qytetarët në Shkozë shprehen se ata nuk janë kundër projekteve zhvillimore, po për ta duhet të jepet një zgjidhje e pranueshme nga ana e Bashkisë.
