Inspektorati Kombëtar i Mbrojtjes së Territorit do të prishë nesër me shpërthim të kontrolluar një objekt pesë katësh në qytetin e Çorovodës. Për të shkatërruar këtë ndërtesë, do të përdoren 30 kilogramë lëndë eksplozive që do të vendosen në 1500 furnela (vrima) të hapura në trupin e objektit. Po kështu mësohet se janë marrë masat, që ky aksion të përfundojë me sukses, dhe pa rrezik për qytetarët.
“Inspektorati Kombëtar i Mbrojtjes së Territorit ka vendosur të prishë nesër me shpërthim të kontrolluar një objekt pesë katësh në qytetin e Çorovodës. Për këtë operacion, do të përdoren 30 kilogramë lëndë eksplozive që do të vendosen në 1500 furnela (vrima) të hapura në trupin e objektit.
Objekti paraqet rrezikshmëri për shkak të amortizimit dhe për shembjen e tij ka pasur një vendim nga bashkia Poliçan dhe një kërkesë për mbështetje nga nga Enti Kombëtar i Banesave.
IKMT parashikon që shpërthimi të kryehet ditën e nesërme, (e premte 19.04.2019) rreth orës 12.30. IKMT në bashkëpunim edhe me forcat e rendit kanë marrë masat që ky aksion të përfundojë me sukses dhe pa rrezik për qytetarët, apo pronat që ndodhen në afërsi të objektit”, thuhet në njoftim.
