Inspektorati Kombëtar i Mbrojtjes së Territorit është kthyer sërish në zonën e Astirit për të përfunduar shembjen e një pallati shtatë katësh.
Siç shihet edhe në videon e publikuar nga vetë IKMT-ja, shembja e pallatit ka bërë që tymi të mbulojë gjithë zonën dhe të rifusë në panik banorët e zonës.
IKMT thotë se sot u përdoren 10 kilogramë lëndë shpërthyese, që u vendosen në 350 furnela (vrima) të hapura në trupin e objektit.
”IKMT prish me sukses objektin 7 katësh ne gjurmën ku do të ndërtohet Unaza e Madhe e Tiranës. U përdoren 10 kilogramë lëndë shpërthyese, që u vendosen në 350 furnela (vrima) të hapura në trupin e objektit.”, informon IKMT.
Tentativa e djeshme dështoi, dhe pavarësisht se pallati nuk u shemb, qytetarët patën panik, bashkë me dëmet e mëdha që u shkaktuan në banesat e tyre.
