Inspektorati Kombëtar i Mbrojtjes së Territorit ka nisur aksionin për prishjen e objekteve përgjatë “Rrugës së Kombit’.Që prej orëve të para të mëngjesit të sotëm fadromat i IKMT kanë zbarkuar në këtë segment rrugor, ndërsa të shumtë kanë qenë pronarët që kanë nisur ti prishin vetë objektet.
Aksioni u inspektua edhe nga Ministri i Energjisë dhe Infrastrukturës Damian Gjiknuri, i cili ishte i pranishëm në kryqëzimin e Fushë Milotit. Gjiknuri u shpreh se aksioni për pastrimin e akseve rrugore do të vazhdoje, pasi sipas tij disiplinimi i tyre rrit dhe sigurinë në rrugë. ‘Janë një numër i konsiderueshëm objektesh që do të prishen nga fadromat e IKMT përgjatë rrugës së kombit nga Miloti deri në Morinë, ndërsa aksioni po mbështet nga Policia e Shtetit dhe Autoriteti Rrugor Shqiptar’ mësohet të ketë thënë Gjiknuri./Ahmet Zani, Tirana Today
