Kompania suedeze e mobiljeve Ikea është firma e fundit që shkurtoi operacionet në Rusi, duke njoftuar sot se kishte marrë “vendimin e vështirë” për të zvogëluar biznesin e saj pasi “bizneset dhe zinxhirët e furnizimit në të gjithë botën janë ndikuar rëndë”.
“Ne nuk shohim asnjë mundësi për të rifilluar shitjet në të ardhmen e parashikueshme”, tha kompania në një deklaratë.
Në mars, Ikea mbylli përkohësisht dyqanet dhe ndaloi furnizimin me burime në Rusi si pasojë e luftës në Ukrainë, por ajo kishte vazhduar të paguante punonjësit e saj.
Ikea tha se do të fillojë të kërkojë pronarë të rinj të katër fabrikave të saj në Rusi. Qindra marka ndërkombëtare, duke përfshirë Starbucks, Coca Cola, Levi’s dhe Apple, janë larguar nga Rusia ose kanë pezulluar shitjet atje që kur vendi pushtoi Ukrainën në muajin shkurt.
Burimi i lajmit: BBC. Përshtatur nga Tirana Today
