Sot u mblodh Komisioni Parlamentar i Reformës Zgjedhore. Gjatë mbledhjes, vëmendjen e ka marrë deputeti Kujtim Gjuzi, ku pas një përplasje me Gjiknurin, ka zgjedhur që të largohet.
Në fillim ishte Gjiknuri i cili i ka dhënë fjalën Shoqërisë Civile, por Gjuzi nuk ka qenë në të njëjtën linjë. Ai madje ka kundërshtuar, duke e marrë fjalën.
Debati:
Hajdari: Fjalën e ka Shoqëria Civile.
Gjuzi: Do flas unë.
Gjiknuri: Nuk mund të flasësh ti, e ka radhën Shoqëria Civile.
Gjuzi: Nuk mund të kontrollosh ti, do flas se s’bën.
Gjiknuri: Nuk je anëtar ti, ca procedure thua.
Gjuzi: Procedura këtu do vijë se s’bën, se janë 44 parti që kanë sjellë draftin dhe e mbani dy vjet aty.
Gjiknuri: Nuk mund të marrësh fjalën.
Gjuzi: Unë nuk e njoh këtë Komision me bashkëkryetar Damian Gjiknurin, nuk e njoh (merr dosjen, ngrihet nga vendi dhe del)
Gjiknuri: Ik dil jashtë. Ik, je në konflikt me logjikën, të lutem tani, vazhdo tani, hajde.
Gjuzi: Më thua mua nuk je anëtar ti.
