Ish-deputeti i PS në Lezhë, Eduard Ndocaj, ka treguar për publikun teksa ishte i ftuar në emisionin “Xing me Ermalin”, një nga përplasjet që ka patur me kryeministrin Rama. Ndocaj tha se ishte zënë në telefon me Ramën, pasi kishte kundërshtuar qeverinë për çështjen e mbetjeve.
Ermal Mamaqi: Më kanë thënë që je zënë një herë live me kryetarin?
Eduart Ndocaj: Jemi zënë disa herë, por një herë jemi zënë në telefon.
Ermal Mamaqi: Aman na thuaj ndonjë gjë, se ne vdesim për thashetheme. Ku ishe kur ndodhi telefonata?
Eduart Ndocaj: Ishim në mbledhjen e Komisionit të Veprimtarisë Prodhuese, dhe po diskutonim për çështjen e plehrave. Po i binte telefonit ky, sepse unë kisha bërë një artikull në një gazetë edhe pse isha deputet i PS dhe kundërshtoja dhe akuzoja.
Ermal Mamaqi: Kishe bërë deklaratë kundër qeverisë, ndërkohë që ishe në qeveri?
Eduart Ndocaj: Po.
Ermal Mamaqi: Sa i madh që je.
Eduart Ndocaj: Unë ia mbylla telefonin dhe i shkruaj: Kush jeni ju, se jam i zënë?! Ai ma ktheu: Jam Kryeministri, dil zhbllokohu.
Më thotë Shalsi, me kë po flet? I thashë me Kryeministrin. Dil jashtë më tha, se ndërpresim mbledhjen. Prita derisa mbaroi mbledhja, dhe bëmë debat gati gjysmë ore në telefon, dhe pastaj i thashë ta mbyllnim se po vij te Kryeministria. Jo më tha, s’dua të të shoh më në Kryeministri.
Ermal Mamaqi: Po çfarë thoshte kështu në telefon?
Eduart Ndocaj: “Është i ëmbël kështu. Më tha: Idiot, malok, i trashë. Është i ëmbël, gjuhën e ka”.
Ermal Mamaqi: Kur do, është delikat.
