Identifikohet rasti i parë me variantin indian të Covid-19 në Maqedoninë e Veriut. Autoritetet kanë njoftuar se tek një pacient i shtruar javën e kaluar, është identifikuar prania e llojit të virusit “indian” të SARS-COV-2.
Sipas anketës epidemiologjike të kryer nga spitali, pacienti u kthye nga Iraku, ku kishte qenë i sëmurë dhe i shtruar për 10 ditë. Kur u kthye në vend, ai u transportua menjëherë në spital me një ambulancë speciale. Gjendja e pacientit është e qëndrueshme, dhe jashtë rrezikut për jetën, informon Ministria e Shëndetësisë.
Ministri i Shëndetësisë, Venko Filipçe, po ashtu me propozimin e Komisionit për Sëmundjet Infektive propozoi që ora policore dhe masat aktuale të vijohen deri më 15 qershor.
