Në një intervistë për “Tuttomercato”, sulmuesi i Fiorentina, Dusan Vlahovic ka ftuar tërthorazi suedezin Zlatan Ibrahimovic t’i bashkohet skuadrës së tij.
Teksa pranon se e ka pasur gjithmonë idhull 38 vjeçarin, Vlahovic shprehet se do të jetë e vështirë të luajë në një skuadër me Ibrën, për aq kohë sa ky i fundit nuk vendos t’i bashkohet familjes vjollcë.
“Ibrahimovic ka qenë gjithmonë idhulli im. Të luaja kundër tij përbënte një emocion të jashtëzakonshëm. Është e vështirë të kem mundësi të luaj krah tij, në rast se ai nuk vendos të bashkohet me familjen vjollcë,” deklaroi Vlahovic.
