Ish-lojtari i Kombëtares së Suedisë, Zlatan Ibrahimoviç, ka ditur të marrë vëmendjen e mediave si në fushë ashtu edhe jashtë saj. Së fundmi, ai është bërë protagonist në një emision televiziv, i cili krahas humorit, ka nxjerrë në pah edhe disa dhunti për kërcimin.
Teksa ishte prezent në studion e emisionit argëtues me Xhejms Korden, suedezi ka bërë një kërcim special që lidhet me lojën e famshme Fortnite.
Mediat sportive kanë raportuar se Ibrahimoviç mund të rikthehet sërish tek skuadra italiane e Milanit, por kjo mbetet në kuadrin e aludimeve sepse asgjë nuk duket në horizont. Interes për të ka treguar edhe Real Madridi, por dëshira e suedezit duket se është që të kthehet te Malmo dhe të mbyllë karrierën.
