Një 25-vjeçare nga Amerika është dënuar me 60 vite burg, pasi i vuri flakën të dashurit të saj, gjatë kohës që ai ishte në gjumë.
Michael Gonzales sapo kishte festuar ditëlindjen e tij të 24-t, kur partnerja e tij, Gina Virgilio, 25 vjeçe, e dogji për së gjalli në orët e hershme të mëngjesit.
E akuzuara kishte ecur 400 metra nga shtëpia, deri te pika më e afërt e karburantit me një shishe të madhe në dorë. Ajo e kishte blerë benzinën me paratë që ia kishte ofruar një person i panjohur, sepse vetë nuk kishte të holla.
Pasi u kthye në shtëpi, ajo e formoi një vijë të benzinës deri te dera e shtëpisë dhe më pas ia vuri zjarrin. Në momentin që i dashuri i saj ishte zgjuar dhe kishte kërkuar për ndihmë, 25-vjeçarja e kishte mbyllur derën dhe kishte vrapuar. Sipas mediave të huaja, rezultatet e analizave treguan se Gonzales kishte vdekur nga thithja e tymit të dendur.
Ngjarja në fjalë ka ndodhur që në vitin 2012 por vetëm tani është marrë vendimi në lidhje me 25-vjeçaren, e cila u shpall fajtore për vrasje të shkallës së parë dhe u dënua me 60 vjet burgim efektiv dhe dhjetë vjet burgim me kusht pasi ta ketë mbaruar dënimin efektiv.
