Një mjet në Korçë është shkrumbuar gjatë natës e ndërsa zjarri dyshohet i qëllimshëm. Uniformat blu bëjnë të ditur se mjetit në pronësi të gruas me inicialet L.Z, 34-vjeçe, i është vënë flaka. Ngjarja ka ndodhur në orën 01:30, në lagjen numër 10 të Korçës.
Policia ka dyshime se mjetit “Smart” të parkuar, mund ti jetë vënë zjarri qëllimisht. Të njëjtat burime shtojnë se po punohet për identifikimin dhe kapjen e autorit/ëve si edhe zbardhjen e rrethanave të ngjarjes.
Lidhur me këtë rast, materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.
Njoftimi i policisë
Më datë 23.07.2022, rreth orës 01:30, në lagjen nr. 10, Korçë, ka rënë zjarr dhe është djegur plotësisht automjeti tip “Smart” në pronësi të shtetases L. Z., 34 vjeçe, banuese në Korçë, i parkuar në afërsi të banesës së saj. Nga hetimet e kryera, dyshohet se zjarri mund të jetë vënë qëllimisht. Nga ana e Policisë po punohet për identifikimin dhe kapjen e autorit/ëve si edhe zbardhjen e rrethanave të ngjarjes. Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.
