Sulmet me armë zjarri në El Paso tronditën opinionin mbarë botëror ditë më parë, teksa 22 persona mbetën të vdekur si pasojë e breshërisë së plumbave.
Ndërkohë, burri i njërës prej viktimave të këtij sulmi, i ka bërë të gjithë të përloten teksa ka ftuar publikun në funeralin e saj, pasi thotë se nuk ka të afërm të tjerë.
Mediat e huaja shkruajnë se ai i mirëpret të gjithë që të marrin pjesë në funeralin e saj ,në qytetin e Teksas, të premten pasdite.
“Ai nuk ka asnjë familjarë tjetër. Le t’i tregojmë atij dhe gruas së dashurinë e El Pasos”, shkroi Perches Funeral Home në një postim në Facebook i cili është ndarë më shumë se 13,000 herë.
Qindra njerëz iu përgjigjën me dashuri postit. Disa u zotuan të merrnin pjesë në shërbim, ndërsa të tjerë nga jashtë qytetit ofruan të dërgonin lule dhe karta.
Margie Reckard ishte një nga 22 personat që u qëllua për vdekje në supermarket, nga një person i armatosur, më 3 gusht. Antonio Bosco dhe gruaja e tij kishin 22 vite të martuar.
