Ish-presidenti Alfred Moisiu ka treguar një anekdotë për të përshkruar opozitën sot. Sipas tij, opozita i ka humbur vlerat. Teksa ka qenë i ftuar në “Euronews Albania” ai tha: “Është si puna e asaj anekdotës që tregojnë për bariun për ujkun. I thoshte ujku, ujku dhe kënaqej kur ngrihej fshati, kur erdhi ujku me gjithë mend nuk u ngrit nga vendi fare”.
Në këndvështrimin e tij “të gjitha janë bërë lëmsh”, e tani nuk kuptohet çfarë është e drejtë dhe e padrejtë.
Ndërkaq, Moisiu tha se mbështet “Open Balkan”, dhe se fjalimi i kryeministrit Edi Rama në asamblenë e Këshillit të Europës në Strasburg ishte me vlerë dhe duhet të bënte bashkë të gjithë shqiptarët.
Ish-presidenti sqaroi gjithashtu se vizitoi Thaçin në Hagë, për t’i treguar botës se lufta e Kosovës ka qenë e drejtë, nuk mund të quhet luftë terroriste.
