Pak javë më parë në futbollin brazilian ndodhi një përplasje që rezultoi fatale për futbollistin e Joao Paulo. Ndërhyrjen e kreu Rildo, që luan për Vasco de Gamën dhe arbitri i takimit habiti kur e ndëshkoi vetëm me karton të verdhë. Ndërsa një dënim unik është marrë në dëm të futbollistit brazilian, Rildo. Ai do të qëndrojë i pezulluar deri në momentin që Paolo të shkelë për herë të parë në fushat e gjelbra.
Sipas këtij vendimi, futbollisti nuk mund të kthehet në fushën e lojës derisa Paulo të kthehet normalisht në stërvitje me klubin e tij. Gjithsesi, është parashikuar që kjo masë ndëshkimore të zgjatë maksimumi 180 ditë.
Rildo kishte dëmtuar kundërshtarin e tij në ndeshjen e 18 marsit ndaj Botafogos, pas vetëm dy minutash lojë, në një duel në mesfushë. Gjyqtari i kishte dhënë të verdhë, por ai u dënua me pamjet filmike, pasi u kuptua se ndërhyrja e tij kishte qenë brutale dhe krejtësisht e panevojshme. Gjykata kishte marrë për bazë edhe faktin se kjo nuk ishte hera e parë që ai dëmtonte kundërshtarët.
