Uniformat blu kanë bërë të mundur arrestimin e një 38 vjeçari nga Vlora të shpallur në kërkim prej 3 vitesh. Bëhet fjalë për shtetasin me inicialet R.A., për të cilin Gjykata e Krimeve të Rënda ka caktuar masën e sigurisë arrest me burg.
“Ndaj tij Gjykata e Shkallës së Parë për Krimet e Rënda Tiranë, me vendim nr.302, datë 01.10.2016 ka caktuar masën e sigurimit personal ‘Arrest me burg’, për veprat penale ‘Kultivimi i bimëve narkotike’, dhe ‘Grup i strukturuar kriminal’”, sqaron policia.
Materialet hetimore iu referuan Prokurorisë së Rrethit Gjyqësor Vlorë.
