Gjyqtari i Gjykatës së Apelit, Agim Bendo ka paraqitur kërkesën e dorëheqjes nga posti tij. Kërkesa për t’u larguar nga sistemi i drejtësisë i është dorëzuar Këshillit të Lartë Gjyqësor dhe komisionit të Vettingut.
Në ditët në vijim, Bendo do të përballej me Vettingun, po ka zgjedhur që të largohet nga pozicioni.
Kërkesa e gjyqtarit Agim Bendo për largim nga posti do të shqyrtohet sot në Këshillin e Lartë të Gjyqësorit.
Ai ka gjykuar disa çështje të rëndësishme, siç është “21 janari”, dosja “Hakmarrja për Drejtësi”, si dhe ka qene anëtar i trupit gjykues ne çështjen e ish-guvernatorit të Bankës së Shqipërisë.
