Një shtetas iranian është ekzekutuar, me akuzën se ishte spiun i CIA-s. Lajmin në fjalë e ka përcjellë zëdhënësi i Ministrisë së Drejtësisë në Iran, Gholamhossein Esmaili.
Një ish-punonjës i Ministrisë së Mbrojtjes, i cili është dënuar me vdekje për shitje të informacioneve tek Agjencia Qendrore e Inteligjencës në SHBA-CIA, është ekzekutuar.
Gholamhossein Esmaili, tha se Reza Asgari ka qenë në kontakt me CIA-n gjatë viteve të fundit të shërbimit të tij në Ministrinë e Mbrojtjes në Iran, dhe se i ka shitur informacione për programin raketor të Iranit.
Esmaili tha se Asgari është ekzekutuar javën e kaluar. Sipas tij, Asgari ka punuar në Departamentin e Hapësirës Ajrore të Ministrisë së Mbrojtjes, dhe kishte dalë në pension katër vjet më parë.
