I shan gruan, plas sherri gjatë prezantimit të boksierëve (Video)

Në 21 prill në “Echo Arena” të Liverpulit do të zhvillohet dueli i boksit mes britanikut Amir Khan dhe kanadezit Phil lo Greco. Sfida është tensionuar që në momentin e prezantimit ku ka pasur tensione të larta dhe grushte mes dy boksierëve. Ka qenë boksieri kanadez që ka thumbuar britanikun dhe reagimi i këtij të fundit ka qenë i menjëhershëm duke i derdhur gotën e ujit në fytyrë. Një moment që ka irrituar dy boksierët dhe u desh ndërhyrja e trajnerëve dhe menaxherit Eddie Hearn, që ndodhej mes dy boksierëve që situata të qetësohej.

Gjithcka ka nisur para se të fillonte, prezantimi ku dy rivalët kanë provokuar dhe fyer njëri-tjetrin. Kulmi arriti kur Lo Greco fyen britanikun në lidhje me jetën e tij private, saktësisht në lidhje me bashkëshorten e Khan. Kjo ngjarje tregon se sfida mes dy boksierëve ka për të qenë mjaft e “nxehtë”, pasi marrëdhënia mes tyre nuk është aspak e mirë. Khan, ish-kampion bote, rikthehet në ring pas gati dy vitesh.