I ‘rrëmbeu’ lojtarin Sportingut, Atletico në hetim nga FIFA

Një ditë më parë Atletico Madrid zyrtarizoi afrimin më të ri, sulmuesin portugez Gelson Martins. Ky i fundit u sigurua me parametra zero edhe pse ishte në një kontratë me Sportingun e Lisbonës. Martins u largua nga Sporting për shkak të dhunës që ushtruan tifozët në fund të sezonit të shkuar ndaj lojtarëve të klubit portugez.Spanjollët para se të zyrtarizonin transferimin kërkuan leje nga FIFA dhe UEFA nëse mund të firmosnin me lojtarin dhe kishin marrë ‘ok’. Por tani është Sportingu që ka bërë një kërkesë zyrtare në zyrat e institucionit më të lartë të futbollit për të marrë sanksione ndaj klubit dhe lojtarit që u largua edhe pse ishte nën kontratë më ata.FIFA do ta shqyrtojë dhe do të vendosë nëse do të ketë ndonjë penalizim për Atletico Madrid dhe lojtarin, apo gjithçka është bërë sipas rregullave të FIFA-s.