Shqipëria u pushtua nga Gjermania naziste gjatë Luftës së Dytë Botërore edhe pse trupat italiane nuk ishin larguar akoma nga vendi. Më së shumti historiografia komuniste thoshte se shqiptarët i pritën me pushkë në dorë dhe rezistuan. Por disa foto ekskluzive të publikuara nga studiuesi Armand Plaka tregojnë se vetëm pas afro dy javësh situata në rrugët e Shqipërisë nuk ishte e tensionuar mes dy palëve, madje ushtarët gjermanë shëtisin rrugëve të Tiranës pothuaj të paarmatosur.
Fotografitë që janë marrë nga arkivat holandeze tregojnë disa ushtarë gjermanë te xhandarmerisë fushore e të policisë ushtarake, gjatë liridaljes në kryeqytet, ndërsa shohin me kuriozitet atë çka mund të ofronte tregu dhe jeta e varfër me tipare oksidentale e banorëve të Tiranës.
Postimi i studiuesit Armand Plaka:
“Ditet e para te pushtimit gjerman ne Shqiperi. Fotot mbajne daten 29 shtator 1943, thuajse me pak se dy jave pas hyrjes se tyre ne Shqiperi me nje operacion blic, ndersa trupat e kapitulluara italiane akoma s’ ishin larguar.
Fotot shfaqin ushtare gjermane te xhandarmarise fushore e te policise ushtarake, gjate liridaljes ne kryeqytet, ndersa shohin kurioze ate c’ka mund te ofronte tregu dhe jeta e varfer me tipare oksidentale e banoreve te Tiranes, ne ditet e para te mberritjes se tyre ne nje vend qe konsiderohej si “deutschfreundlich” ( miqesor ndaj gjermnaneve), edhe pse zyrtarisht “neutral”. Fotot botohen per here te pare dhe jane marre nga arkivat holandeze. Armand Plaka – Te gjitha te drejtat te rezervuara.”
TIRANA TODAY
