Një shtetas britanik ka humbur jetën natën e ndërrimit të viteve, pasi një fishekzjarr i shpërtheu në fytyre. Ngjarja ka ndodhur në Tajlandë, ku 50 vjeçari po festonte ndërrimin e viteve me partneren dhe miqtë e tij në një resort.
Sipas mediave britanike, Gary Mclaren, u përpoq të ndizte një tub kartoni 50 cm të mbushur me fishekzjarre. Dëshmitarët thanë se përpjekjet e tij fillestare për të ndezur fishekzjarrët dështuan dhe ai u përpoq për herë të dytë, e pikërisht kjo ka rezultuar fatale për 50-vjeçarin. Fishekzjarrët i plasën në fytyrë duke e lënë të vdekur në vend.
