Nga blutë e Lezhës janë ushtruar kontrolle blic në pika kontrolli të dislokuara në rrugë, në lokale, pika basti, banesa të pabanuara dhe në çdo vend ku dyshohej se mund të ushtrohej veprimtari kriminale, apo të fshiheshin persona në kërkim.
Në Kurbin është ndaluar shtetasi në kërkim, Gentjan alias Gazmir Elezi, 32 vjeç, banues në Fushë-Mamurras në Kurbin. 32-vjeçari ka qenë i përfshirë në ngjarjen e datës 23 shtator 2015, në Mamurras-Kurbin, ku gjatë shkëmbimit të zjarrit mes disa personave, ka mbetur i vrarë shtetasi N.T.
Gjykata e Shkallës së Parë Kurbin, me vendimin e datës 24 nëntor 2015, ka caktuar masën e sigurimit personal “Arrest në burg”, për veprat penale “Vrasja në rrethana cilësuese, e mbetur në tentativë, e kryer në bashkëpunim”, dhe “Mbajtja pa leje e armëve luftarake dhe municionit”.
