Shtetasi rus, Revaz Kakhmazov është shpallur në kërkim ndërkombëtar, pasi akuzohet se është i përfshirë në një sërë grabitjesh, si pjesë e një grup të organizuar kriminal.
Sipas hetueseve, Kakhmazov dyshohet se fshihet në Shqipëri nën emrin Revaz Mendeki.
Duke iu referuar hetimeve nga autoritetet ruse, ky grup akuzohet për trafik droge, mashtrim, shitje droge në burgje, si dhe grabitje me armë.
Ndërkohë, mediat vendase shkruajnë se janë identifikuar 21 raste grabitjesh me 20 viktima.
Hetuesit nuk e përjashtojnë si mundësi që 44-vjeçari mund të jetë fshehur në Shqipëri, pasi ka nënshtetësi shqiptare, dhe nëse do të kapet rrezikon mbi 15 vite burg.
