Forcat Operacionale të Policisë së Tiranës arrestuan dje “të fortin” e Shkodrës, Safet Bajri (Rustemi). Ai u ndalua në ambientet e një magazine në zonën e “Xhamllikut”, në kryeqytet, ndërsa burimet thanë se mbante edhe një armë pa leje. Arrestimi i 34-vjeçarit u krye në kuadër të një procedimi penal të nisur nga Prokuroria e Krimeve të Rënda, prej afro një viti, pas dyshimeve për përfshirjen e tij apo drejtimin e një organizate kriminale të trafikut të lëndëve narkotike.
Nga ana tjetër, ai figuronte në listën e personave më të kërkuar të Belgjikës, i dënuar me 9 vjet burg si kreu i një bande kriminale, që përpiqej të kontrollonte trafikun e drogës në Bruksel.
https://tiranatoday.com/kapet-safet-rustemi-i-rrezikshmi-i-shkodres-trazoi-politiken-ne-vend-dhe-ne-belgjike/
Policia e Shtetit nuk dha ndonjë informacion zyrtar në lidhje me arrestimin e Safet Bajrit, por burimet thanë se bashkë me të janë ndaluar edhe disa persona të tjerë, të afërm e miq të tij.
Të njëjtat burime thanë se operacioni ka vijuar përgjatë gjithë natës, në kryeqytet dhe në disa qytete të tjera, pasi bëhet fjalë për ekzekutimin e disa urdhërarresteve të firmosura nga Prokuroria e Krimeve të Rënda.
U lirua gabimisht
“Kumbari shqiptar, i liruar gabimisht nga gjykata belge”, ky ishte titulli i një artikulli të publikuar në korrik të një viti më parë. E përditshmja belge “dhnet.be” raportonte se si Safet Bajri u deportua në Shqipëri për shkak të një gabimi teknik të gjykatës belge. “Gabimi qëndron në faktin se Apeli e dënoi me 9 vite burg, por nuk urdhëroi arrestimin e tij, por deportimin në Shqipëri dhe të gjitha shpenzimet e udhëtimit u paguan nga Belgjika”, raportonte media belge asokohe, duke shtuar se pas deportimit, Bajri shijonte lirinë në fshatin Dobraç të Shkodrës. Por, tashmë autoritet belge janë vënë sërish në ndjekje të tij. Më 1 maj të vitit 2015, kryetari i Bashkisë së Brukselit, Yvan Mayer, përgëzoi aksionin e Policisë që çoi në arrestimin e Bajrit dhe çmontimin e organizatës së tij kriminale, duke e cilësuar Safet Bajrin si “Godfather-in” (Kumbarin) e ri.
https://tiranatoday.com/videosi-u-ndalua-i-forti-i-shkodres-ja-cfare-shkruajne-mediat-belge/
Para dhe “fluturim special”
Më 25 janar të vitit 2017, kapos së mafies shqiptare iu komunikua se do të bënte 9 vite burg. Pavarësisht nga ngërçi i procedurave të papërfunduara ligjore, Safet Rustemi u lejua u la i lirë me kusht në qershor të viti 2017. Më 12 korrik të vitit 2017 ai do të bëhej gati për t’u u nis me një ‘fluturim special’ drejt Shqipërisë.
Magjistratët e Brukselit u zunë përsëri në befasi. Rustemi dëshironte, së pari, të paguante shumën prej 25,000 euro për të qenë i lirë. Ishte hera e dytë që drejtësia belge pranonte para në këmbim të lirisë së tij. Në fund të vitit 2015, kishte ndodhur e njëjta gjë.
Dy ditë pas 12 korrik 2017, Rustemi u nis me avion drejt Shqipërisë nga Zyra e Imigracionit, edhe pse ndaj tij ishin ngritur dy padi, askush nuk e mori parasysh këtë fakt.
Por më 22 shkurt të këtij viti, Brukseli lëshoi dënimin e dyfishtë në mungesë, me 8 dhe 5 vite burg, duke e akuzuar si udhëheqës të një bande kokaine, por Rustemi po shijonte lirinë në Velipojë./TIRANA TODAY/
