Ndaj ish-policit Arjan Tase i cili i mori jetën 7-vjeçaren në Himarë, është dhënë masa “arrest në burg”. Gjykata e Vlorës ka lënë në burg policin Arjan Tase, i cili i mori jetën me skaf ne breg të detit një vogëlusheje 7-vjeçare.
Prokuroria e Vlorës ka kërkuar që polici që vrau me skaf 7-vjeçaren të hetohet me akuzën për veprën penale “vrasje me dashje”, ndërsa ka kërkuar masën e arrestit me burg, gjë e cila u pranua sot nga gjykata.
Vrasja e kryer me dashje dënohet me burgim nga dhjetë gjer në njëzet vjet, sipas Nenit 76 në Kodin Penal.
Ish-shefi i Komisariatit të Himarës Arjan Tase, i cili vrau me skaf një vajzë 7-vjeçare në plazhin e Potamit, pritej të dilte para gjykatës mëngjesin e sotëm, por dhënia e masës së sigurisë për të u shty në orën 11:15.
