Një aeroplan është rrëzuar ditën e sotme pranë qytetit të Lviv, në Ukrainë, ku si pasojë kanë mbetur të vdekur 5 persona dhe janë plagosur 3 të tjerë.
Sipas ministrit të Infrastrukturës së Ukrainës, aeroplani i cili ishte nisur nga Spanja për në Stamboll, i ka mbaruar karburanti përpara se të arrinte në ndalesën e radhës, që ishte qyteti i Lviv, në Ukrainë.
Ai deklaroi se avioni kishte një ekuipazh prej 7 personash, ndërsa 1 person tjetër po kujdesej për ngarkesën, për të cilën nuk dihet akoma asgjë.
Mediat ukrainase, thonë se aeroplani ishte një avion ushtarak ngarkesash, i cili ishte planifikuar të ulej në Lviv për t’u furnizuar me karburant.
