Cristiano Ronaldo e nisi mjaft keq aventurën tek bardhezinjtë e Juventusit. Ka qenë mesfushori, Emre Can ai që ka folur i pari në lidhje me këtë vendim të arbitrit, të cilin e ka cilësuar të padrejtë dhe ka përdorur tone ironie.
Ronaldi i cili i shëno dy golat e para me Juventusin këtë fundjavë kundër Sassuolos, u largua me lot në sy mbrëmë, pasi mori karton të kuq, pas incidentit me Murillon e Valencias, të cilin e tërhoqi nga flokët.
“I kuqi për Ronaldo-n? Sapo kam mësuar se është dhënë për tërheqjen e flokëve. Nuk jemi femra, luajmë futboll. Nëse nxjerr kartonin e kuq për këtë, atëherë duhet ta bësh për çdo faull. Kartoni ka qenë i pamerituar”, ka thënë Can.
Këto deklarata mund të krijojnë probleme për lojtarin e “Zonjës së Vjetër”, duke parë se shumë media ndërkombëtare i kanë cilësuar si ofenduese ndaj femrave.
