Drejtoria Rajonale e Autoritetit Kombëtar të Ushqimit ka gjobitur një furrë buke në Korçë, e cila tregonte miell të skaduar. Në një furrë buke janë bllokuar 10 ton miell, pasi i kishte kaluar afati i përdorimit. Gjatë kontrollit të AKU-së në këtë biznes u konstatua se në ambientet e magazinimit u evidentua sasia prej 10 ton miell me afat të kaluar përdorimi.
Njoftimi
Drejtoria Rajonale e Autoritetit Kombëtar të Ushqimit, qarku Korçë në vijim të monitorimit të situatës dhe garantimit të sigurisë ushqimore kreu kontrollin zyrtar në subjektin me inicial “B”, me aktivitet “Furrë Buke”, Korçë, ku gjatë kryerjes së procedurës në kushtet e flagrancës u konstatua se në ambientet e magazinimit të subjektit, u evidentua sasia prej 10 ton produkti “Miell” me afat të kaluar përdorimi.
Për shkeljet e konstatuara ndaj subjektit u vendos masë administrative 500’000 lekë si dhe u bllokua sasia prej 10 ton “Miell”, produkt i pasigurt për konsum me destinacion asgjësimin.
