Karabinierët kanë vënë në pranga një 57-vjeçar shqiptar, në vendin e quajtur Carsoli të Italisë, pasi dhunoi bashkëshorten dhe tentoi të qëllonte me armë të birin.
Mediat italiane bëjnë të ditur se ngjarja ka ndodhur në banesën e çiftit shqiptar gjatë orëve të natës.
Pas një zënke që duket se lindi për shkak të xhelozisë, shqiptari qëlloi me armë djalin 20-vjeçar, fatmirësisht pa e prekur. Alarmi u dha nga bashkëshortja e tij, e cila njoftoi autoritetet policore.
44-vjeçarja mësohet se dhunohej vazhdimisht nga bashkëshorti. Kur mbërritën në banesën e çiftit në Villa Romana, karabinierët e gjetën shqiptarin e identifikuar vetëm me iniciale V.F. në gjendje të rënduar pasi kishte konsumuar alkool.
Gjatë kontrollit, përveç armës së përdorur në drejtim të të birit, ata gjetën edhe 5 pistoleta të tjera, 2 prej të cilave të modifikuara, disa karikatorë, si dhe rreth 70 fishekë të kalibrit të ndryshëm.
57-vjeçari, i cili në të shkuarën ishte denoncuar për keqtrajtim në familje dhe mbajtje abuzive të armëve, tashmë akuzohet për tentativë vrasjeje në dëm të djalit të tij, armëmbajtje pa leje etj.
TIRANA TODAY
