Një tigër i veçantë Siberian është vrarë gjatë një përleshje me dy tigra të tjerë në një kopsht zoologjik në Britani. Shouri ishte një nga tigrat e rrallë në botë dhe prej vitit 2006 qëndronte në Parkun Longleat. Ndërkohë tani ekzistojnë më pak se 500 tigra të llojit të tij në të gjithë Siberinë.
Sipas Daily Mail, tigri 13-vjeçar hyri në kafazin ku po qëndronin Red dhe Yana, pasi dyert ishin lënë gabimisht të hapura nga stafi, teksa po lëviznin tigrat në ambiente të tjera. Si rezultat tre kafshët u përfshinë në një përleshje vrastare njëra me tjetrën.
Ndërkohë punonjësit e kopshtit bënë me dije gjatë kohës së incidentit nuk kishte vizitorë dhe se Red e Yana nuk janë lënduar. Ata shprehen se janë të tronditur veçanërisht për rolin që ka kopshti. Ku qëllimi i tyre kryesor është të sigurojnë ruajtjen e racave të cilat janë në rrezik zhdukje.
Një ngjarje e ngjashme ndodhi edhe pak ditë më parë, ku një tigër sulmoi partneren e vetë, e cila vetëm pak kohë më pare kishte lindur një këlysh./ TIRANA TODAY
