Djali i akademikut të njohur Moikom Zeqo, Epidamn Zeqo, ka publikuar disa video në profilin e tij në Facebook, ku akuzon drejtoreshën e Qendrës Kombëtare të Librit dhe Leximit, Alda Bardhylin, se ka hequr qëllimisht foton e babait të tij.
“Skandal: Foto e Moikomit është hequr qëllimisht nga Qendra Kombëtare e Librit dhe Leximit! Në fakt, s’kanë faj. Moikomi agronom dhe tullaxhi nuk e meriton. Ka të tjerë që vetëm marrin nga ky vend pa histori. Turp Alda Bardhyli ose Alda Qyli dhe të tjerët s’kanë se… syu n’ballë!”, shkruan ai në rrjetin social Facebook.
Moikom Zeqo ka qenë akademik, shkrimtar, historian shqiptar. U nda nga jeta më 15 qershor 2020 pas nje lufte disa vjecare me leuceminë.
Është autori i 62 librave me poezi, studime arkeologjike, për historinë e artit, si dhe të nje numri skenaresh për filma kinematografike e televizivë me karakter arkeologjik dhe kulturor.
Ka marrë disa herë çmime të para për librat e tij. Krijime të Moikom Zeqos janë përkthyer në gjuhët anglisht, frëngjisht, greqisht, italisht, sërbokroatisht, bullgarisht, rumanisht, polonisht, danisht, esperanto, gjermanisht si dhe në gjuhën tonë.
Është autor i tre ekspozitave vetiake në pikturë. Ka përfaqësuar Shqipërinë në Konferenca Shkencore Ndërkombëtare me dhjetra herë, dhe është vlerësuar nga personalitete të larta të kulturës shqiptare dhe të huaj.
